Cəsarət Əhmədov – Gücün, İradənin və Milli İdman Ruhunun Siması
Azərbaycan idmanının inkişafında illərdir zəhmətlə, prinsipiallıqla və peşəkarlıqla çalışan şəxslər arasında Azərbaycan Qol Güləşi Federasiyasının prezidenti Cəsarət Əhmədovun adı xüsusilə fərqlənir. O, təkcə bir idman federasiyasının rəhbəri yox, eyni zamanda bu sahənin inkişafını həyat missiyası seçmiş, iradəsi, təşkilatçılığı və Vətənə bağlılığı ilə tanınan nümunəvi ictimai xadimlərdən biridir.
Cəsarət Əhmədovun rəhbərliyi altında Qol Güləşi – bir zamanlar Azərbaycanda daha çox həvəskar səviyyədə tanınan bu idman növü – bu gün artıq peşəkar idman sahəsinə çevrilib, beynəlxalq standartlara uyğunlaşdırılıb və böyük arenalara çıxarılıb. O, bu idman növünü yalnız güc nümayişi yox, milli ruhun, vətənpərvərliyin, sağlam gəncliyin yetişməsi üçün vacib platforma kimi təqdim edib. Bu baxış onun fəaliyyətinə verdiyi istiqamətin əsas təməlidir.
Cəsarət müəllimin federasiyaya rəhbərlik etdiyi dövrdə ölkə üzrə onlarla bölgədə turnirlər, açıq çempionatlar, kütləvi maarifləndirmə tədbirləri təşkil olunub. Hər yaşdan olan gənclər bu idman növünə cəlb olunub, region gənclərinin idmana inteqrasiyası üçün real imkanlar yaradılıb. O, xüsusilə rayonlarda istedadlı, lakin maddi və təşkilati dəstəkdən uzaq olan gənclərə xüsusi diqqət yetirərək onların milli komanda səviyyəsinə qədər yüksəlməsinə şərait yaradıb.
Azərbaycanın idman xəritəsində Qol Güləşi idman növü artıq müstəqil bir sima, ayrı bir nəfəs və böyük uğurların ünvanıdır. Cəsarət Əhmədovun səyi nəticəsində idmançılarımız beynəlxalq yarışlarda Azərbaycan bayrağını dalğalandırmış, ölkəmizə medallar qazandırmış, dünyada idmançı və idman rəhbəri kimi tanınmışlar. Bu uğurların arxasında yalnız idman deyil – idarəetmə, strategiya, məqsədə doğru dəqiq və davamlı irəliləmək dayanır. Bütün bunları isə bu sahənin ruhunu duyan və onu yaşadan bir rəhbər – Cəsarət Əhmədov reallaşdırır.
Cəsarət müəllimin təkcə peşəkar sahədə deyil, insan münasibətlərində də sərgilədiyi səmimiyyət, sadəlik və dərin hörmət, onu həm idmançıların, həm də ictimaiyyətin sevimlisinə çevirib. O, gənclərlə ünsiyyətdə bir dost, bir ağsaqqal kimi yanaşır, qazandığı uğurları nümayişkaranə deyil, təvazökarlıqla qəbul edir. Federasiyanın bütün fəaliyyətini şəffaflıq, qarşılıqlı etimad və vicdanlı əmək prinsipi üzərində qurması, ona olan inamı daha da möhkəmləndirir.
Onun idmanda yaratdığı bu möhkəm təməl, əslində Azərbaycan gəncliyi üçün sağlam həyat tərzinin, sosial enerjinin və müsbət nümunənin daşıyıcısıdır. O, idmanı bir yarış meydanı yox, cəmiyyətin tərbiyə və ruh sisteminin mühüm tərkib hissəsi kimi təqdim edir. Elə bu baxış onun Cəsarət adlı xarakterinə də uyğun gəlir – çünki bu sahədə irəli getmək üçün sadəcə güc yox, qətiyyət, yol göstərən iradə və sədaqət lazımdır.
Cəsarət Əhmədov bu gün təkcə Azərbaycan Qol Güləşi Federasiyasının prezidenti yox, millətini beynəlxalq arenalarda təmsil edən bir lider, idmanın ideoloji daşıyıcısı, gəncliyə ümid və örnək olan parlaq şəxsiyyətdir.
