Əgər insan doğru-düzgün bir yoldadırsa, heç vaxt ona zaval olmur. Gördüklərim, eşitdiklərim məni bu qənaətə gətirib ki, Pirallahı rayon MKTB - rəisi Röyal Sarıməmmədov insanların, dövlətinin etimad və etibarını qazanmağı bacara bilmişdir. Rəhbərlik xüsusiyyətini, xarakterini insana daşıdığı vəzifə yox, o vəzifəyə layiq olan insan özü qazandırır. O, insanın xarakterində, bütövlüyündə, bir sözlə, işi ilə əməlinin vəhdətində olmalıdır. Əgər sən insanların istəyini və sevgisini qazanmaq istəyirsənsə ilk növbədə onlarla səmimi olmalısan… 

Sarıməmmədov Röyal Tofiq oğlu

1986-cı ildə Gürcüstan Respublikasının Rustavi şəhərində anadan olmuşdur. Əslən Qazax rayonundandır. 2004-cü ildə Bakı şəhəri, Pirallahı qəsəbəsində fəaliyyət göstərən 168 saylı tam orta məktəbin, 2008-ci ildə Azərbaycan Dövlət İqtisad Universitetinin məzunu olub. 2008-2009-cu illərdə Həqiqi hərbi xidmətdə olub. 2011-2022-ci illərdə Xəzər, daha sonra Pirallahı Rayon İcra Hakimiyyətilərində nümayəndə müavini, baş məsləhətçi, sektor müdiri, şöbə müdiri, başçının köməkçisi kimi müxtəlif vəzifələrdə dövlət qulluğu keçib. 3-cü dərəcəli dövlət qulluqçusudur. 15.03.2022-ci il tarixindən Pirallahı rayon Mənzil - Kommunal Təsərrüfatı Birliyinin rəisi vəzifəsinə təyin edilmişdir.

Pirallahı rayonunda yanğın təhlükəsizliyinin təmin edilməsi məqsədilə təmizlik işləri aparıldı

Respublikamızda son illər insanların təhlükəsiz yaşamasına göstərilən qayğı hər bir Azərbaycan vətəndaşının gündəlik həyatında müşahidə edilən gerçəklikdir. Bu mənada hazırda aktual olan əhalinin yanğından mühafizə olunmasının təmini də günün əsas tələbat başlıqlarından biridir. Bu istiqamətdə Pirallahı rayon İcra Hakimiyyəti bir sıra mühüm işlər həyata keçirmişdir. O cümlədən, Pirallahı RİH tərəfindən 23.08.2022-ci il tarixdə növbəti təmizlik aksiyası keçirilmişdir. Aksiya zamanı küçələr, səki kənarları, işıq dirəkləri, dayanacaqlar təmizlənmiş, həyət və məhəllələrdə abadlıq işləri görülmüşdür. Pirallahı rayon MKTB-nin əməkdaşları tərəfindən yol kənarlarındakı yaşıllıq zolaqları təmizlənmiş, digər lazımi işlər həyata keçirilmişdir. Eyni zamanda, magistral yol boyu qurumuş ağacların budaqları kəsilmiş, quru otlar təmizlənmiş, müxtəlif məişət, polietilen və digər tullantılar ərazidən kənarlaşdırılmışdır.
    Bundan sonra da yanğın təhlükəsizliyi məsələsi daima RİH-nin diqqət mərkəzində olacaq, yanğın təhlükəsizliyi ilə bağlı zəruri tədbirlər həyata keçiriləcəkdir.

20.06.2022

21.06.2022

22.06.2022

23.06.2022