8 Mart münasibətilə işgüzar xanımlar üçün möhtəşəm mükafat gecəsi təşkil olunub -Fotolar

Bakı şəhərində 8 Mart – Beynəlxalq Qadınlar Gününə həsr olunmuş “İlin İşgüzar Xanımı” mükafatlandırma mərasimi təşkil olunub. Tədbir paytaxtın nüfuzlu məkanlarından biri olan “Romance Hall Luxury” zalında baş tutub.

Mükafatın təsisçisi “Mətbuat” firması, tədbirin təşkilatçısı isə Sədaqət Rəşidqızıdır. Mərasimin aparıcılığını Zabir Əliyev və Sədaqət Rəşidqızı həyata keçiriblər.

aia.az xəbər verir ki, tədbirdə ölkənin müxtəlif sahələrində fəaliyyət göstərən, işgüzar bacarıqları və cəmiyyətə verdikləri töhfələrlə seçilən 40-a yaxın xanım “İlin İşgüzar Xanımı” mükafatına layiq görülüb. Mükafat alan xanımlar sahibkarlıq, mədəniyyət, tibb, təhsil, media və digər sahələrdə qazandıqları uğurlara görə təltif ediliblər. Kamilə Əliyeva, Aida Rəhimova , Lalə İsmayılova, Zəkiyyə Həziyeva, Vəfa Muradzadə Zemfira Əbdülsəmədova , Gövhər Həsənzadə , Fərqanə Qasımova, Günlnarə Xəlilova, Yeganə Nuriyeva, Aytən Səfquluzadə , Qəmər Əliyarova, Zəminə Rüstəmova, Lalə Şirinzadə , Heyran Əliyeva, Mətanət Əliverdiyeva , Fəxriyyə Lilpar, Səidə Bəkirqızı, Jalə Əlizadə, Zeynəb Şıxkərimova , Nərmin Nuriyeva, Həlimə İsmayılova, Sevinc Hacıyeva və başqaları mükafat və hədiyyələrlə təltif olunublar.
Mərasim zamanı çıxış edənlər Azərbaycan qadınının cəmiyyət həyatında mühüm rol oynadığını, onların peşəkar fəaliyyəti və təşəbbüslərinin ölkənin sosial-iqtisadi inkişafına əhəmiyyətli töhfələr verdiyini vurğulayıblar.

Tədbirdə tanınmış sənətçilər Niyam Salami, “Allstar” qrupu, Azər Zeyn və Fərqanə Qasımova musiqi nömrələri ilə çıxış ediblər. Onların ifaları gecəyə xüsusi bayram əhval-ruhiyyəsi qataraq qonaqlar tərəfindən alqışlarla qarşılanıb.

Bayram ab-havasında keçən mərasim xatirə şəkilləri və mükafatların təqdimatı ilə davam edib.
“İlin İşgüzar Xanımı” mükafatlandırma mərasimində Korovuşka, Romance Hall Luxsry, LS Academy, Karusel şirkəti, İnnabi Premium cərəz, Sirab, Millenum, Züleyxa parfyum tədbirin təşkilati dəstəkçiləri qismində çıxış edib.