Azərbaycan - Avropa Şurası münasibətləri barədə

2026-cı il martın 11-də Avropa İttifaqı Şurasının Prezidenti Antonio Koştanın Azərbaycana səfəri baş tutub. Azərbaycan ilə Avropa Şurası arasında münasibətlər ölkənin beynəlxalq təşkilatlarla əməkdaşlıq siyasətində mühüm yer tutur. Bu münasibətlər əsasən demokratiyanın inkişafı, insan hüquqlarının qorunması və hüququn aliliyinin təmin edilməsi kimi prinsiplərə əsaslanır. Azərbaycan müstəqillik əldə etdikdən sonra Avropa strukturları ilə əməkdaşlığın genişləndirilməsini xarici siyasətinin vacib istiqamətlərindən biri kimi müəyyən etmişdir. Avropa Şurası 1949-cu ildə yaradılmış və Avropada insan hüquqları, demokratiya və hüququn aliliyinin qorunmasını əsas məqsəd kimi qarşıya qoymuş beynəlxalq təşkilatdır. Bu təşkilat Avropa ölkələri arasında əməkdaşlığın inkişafına, hüquqi və demokratik dəyərlərin möhkəmləndirilməsinə xidmət edir. Azərbaycan da bu dəyərləri dəstəkləyərək Avropa Şurası ilə əlaqələrin inkişafına böyük önəm vermişdir. Azərbaycan 25 yanvar 2001-ci ildə Avropa Şurasına üzv qəbul edilmişdir. Bu hadisə ölkənin beynəlxalq nüfuzunun artmasına və Avropa siyasi-hüquqi məkanına inteqrasiyasına mühüm töhfə vermişdir. Üzvlükdən sonra Azərbaycan bir sıra beynəlxalq konvensiyalara qoşulmuş, insan hüquqları və demokratiya sahəsində qanunvericiliyin təkmilləşdirilməsi istiqamətində müxtəlif islahatlar həyata keçirmişdir. Avropa Şurası ilə əməkdaşlıq çərçivəsində Azərbaycanda hüquq və məhkəmə sisteminin inkişafı, korrupsiyaya qarşı mübarizə, insan hüquqlarının qorunması və demokratik institutların gücləndirilməsi istiqamətində bir sıra proqram və layihələr həyata keçirilmişdir. Bu layihələr dövlət qurumlarının fəaliyyətinin daha şəffaf və səmərəli təşkilinə kömək etmişdir. Bundan əlavə, Avropa Şurası Azərbaycan üçün təhsil, gənclər siyasəti və mədəniyyət sahələrində də mühüm tərəfdaşdır. Müxtəlif seminarlar, təlimlər və beynəlxalq proqramlar vasitəsilə gənclərin demokratik dəyərlər haqqında məlumatlandırılması, onların fəal vətəndaş kimi formalaşması istiqamətində tədbirlər keçirilir. Bu əməkdaşlıq ölkədə vətəndaş cəmiyyətinin inkişafına da müsbət təsir göstərir. Azərbaycan və Avropa Şurası arasında münasibətlər zaman-zaman müxtəlif müzakirələr və fikir ayrılıqları ilə müşayiət olunsa da, ümumilikdə tərəflər əməkdaşlığın davam etdirilməsində maraqlıdır. Bu münasibətlər Azərbaycanın beynəlxalq təşkilatlarla əlaqələrinin genişlənməsinə və ölkənin hüquqi-demokratik inkişafına müəyyən töhfə verir.
Nəticə olaraq demək olar ki, Azərbaycan ilə Avropa Şurası arasında əməkdaşlıq ölkənin siyasi, hüquqi və sosial inkişafı baxımından mühüm əhəmiyyət kəsb edir. Bu münasibətlər Azərbaycanın Avropa məkanında daha fəal iştirakına və beynəlxalq əməkdaşlığının güclənməsinə şərait yaradır.

Sabunçu rayonu Bakıxanov qəsəbəsi R. Quliyev adına 107 nömrəli tam orta ümumtəhsil məktəbinin psixoloqu Gülarə İsmayılova