Əziz oxucu! Bir az toxta, dur! Məmurların qanunsuzluqlar, sosial problemlər, kresloda oturanların vətəndaşlara təhkimçi kimi baxmaları, korrupsiya və maliyyə maxinasiyaları ilə toplanan milyonlardan, kapitaldan bəhs edən məlumatlardan bir qədər uzaqlaşaq. Sizə çoxlarının yazacaqlarımıza inanmadığı, şəxsiyyəti və real əməli ilə bizi də fəth edən bir şəxsdən - Göyçay rayon İcra Hakimiyyəti başçısının I müavini İkram Vəliyev barədə bəhs edəcəyik. Onun haqqında elini-obasını sevən bir insan kimi gördüklərimizi, bildiklərimizi və başqalarının fikirlərini təqdim edəcəyik.

Göyçayda “Heydər Əliyev və Ekologiya” adlı tədbir keçirildi

Sentyabrın 16-da Göyçay Rayon Heydər Əliyev Mərkəzində “Heydər Əliyev İli” ilə əlaqədar “Heydər Əliyev və Ekologiya” mövzusunda tədbir keçirildi.
Tədbirdə Göyçay Rayon İcra Hakimiyyətinin başçısı Natiq Ağayev, Milli Məclisin deputatı Məzahir Əfəndiyev, 8 saylı Regional Ekologiya və Təbii Sərvətlər İdarəsinin rəis əvəzi Asif Məcidov, RİH başçısının şəhər və kənd inzibati ərazi dairələri üzrə nümayəndələri, bələdiyyə sədrləri və rayon ictimaiyyətinin nümayəndələri iştirak edirdilər.
Ümummilli Lider Heydər Əliyevin abidəsini ziyarət edib, önünə gül-çiçək dəstələri düzdükdən sonra görüş iştirakçıları Göyçay rayon Heydər Əliyev Mərkəzində Ulu Öndərin həyat və fəaliyyətini, Göyçay rayonuna səfərlərini əks etdirən foto sərgiyə baxış keçiriblər.
Göyçay Rayon Heydər Əliyev Mərkəzində davam edən tədbirdə Rayon İcra Hakimiyyətinin başçısı Natiq Ağayev çıxış edərək bildirdi ki, Azərbaycan xalqının və dövlətçiliyinin inkişafında misilsiz xidmətləri olan Ulu Öndərin fəaliyyəti dövründə ölkədəki ekoloji vəziyyət həmişə xüsusi diqqət mərkəzində olub, ətraf mühitin mühafizəsi ilə bağlı müəyyən olunmuş prioritetlər üzrə tədbirlər görülüb.
Sonra Milli Məclisin deputatı Məzahir Əfəndiyev və 8 saylı Regional Ekologiya və Təbii Sərvətlər İdarəsinin nümayəndələri Arzuman Ələkbərov, Lalə Əsgərova, Ülkər Paşayeva mövzu ilə bağlı ətraflı çıxışlar edərək qeyd etdilər ki, Ümummilli Lider Heydər Əliyevin ölkənin ekoloji vəziyyətinin yaxşılaşdırılması, ağacların əkilməsi, yaşıllıq zolaqların genişləndirilməsi üçün verdiyi tapşırıqlar, su ehtiyatlarının çirklənməsinin qarşısının alınması, ölkənin su təchizatı, inkişafı və dirçəlişi istiqamətində gördüyü tədbirlər onun layiqli davamçısı Prezident İlham Əliyevin rəhbərliyi altında bu gün də uğurla davam etdirilir.
Sonda Ümummilli Lider Heydər Əliyevin həyat və fəaliyyətinə həsr edilmiş film nümayiş edilib.
Tədbir “Təmiz Ölkəm” ümumrespublika təmizlik aksiyası çərçivəsində Göyçay çayının Göyçay şəhərinin ərazisindən keçən hissəsinin sahilində təmizliklik işləri ilə yekunlaşıb.
 
 

Göyçayda “Heydər Əliyev İli” ilə əlaqədar “Əsrin müqaviləsi” tarixi Zəfərimizə gedən yolun başlanğıcıdır” mövzusunda tədbir keçirildi

16 sentyabr 2023-cü il tarixdə rayon icra hakimiyyəti başçısı aparatının inzibati binasında “Heydər Əliyev İli” ilə əlaqədar “Əsrin müqaviləsi” tarixi Zəfərimizə gedən yolun başlanğıcıdır” mövzusunda tədbir keçirildi.
Tədbirdə Göyçay Rayon İcra Hakimiyyətinin başçısı Natiq Ağayev, Milli Məclisin deputatı Məzahir Əfəndiyev, rayon hüquq-mühafizə orqanlarının rəhbərləri, rayon ictimaiyyətinin nümayəndələri iştirak edirdilər.
Əvvəlcə tədbir iştirakçıları rayon icra hakimiyyəti başçısı aparatının inzibati binasında Ümummilli Liderin büstü önünə gül-çiçək dəstələri düzərək xatirəsini ehtiramla yad ediblər.
Rayon İcra Hakimiyyəti başçısı aparatının inzibati binasının akt zalında davam edən təbdirdə Ümummilli lider Heydər Əliyevin və Azərbaycanın ərazi bütövlüyü uğrunda canından keçmiş şəhidlərimizin əziz xatirəsini bir dəqiqəlik sükutla yad edilib.
Göyçay Rayon İcra Hakimiyyətinin başçısı Natiq Ağayev tədbiri giriş sözü ilə açaraq bildirib ki, müasir Azərbaycanın otuz ildən artıq müddətdə dövlət quruculuğu, iqtisadi dirçəliş, ictimai-siyasi və sosial həyatında tərəqqi dövrünü əhatə edən bütöv bir dövr Ümummilli lider Heydər Əliyevin adı ilə sıx bağlıdır.
Azərbaycanın dövlət müstəqilliyinin  möhkəmlənməsində və  bugünkü inkişafının təməlində  Ulu Öndər Heydər Əliyevin  müəllifi olduğu  “Əsrin müqaviləsi”  böyük rol oynayır.  “Heydər Əliyev İli” çərçivəsində “Əsrin müqaviləsi” tarixi Zəfərimizə gedən yolun başlanğıcıdır» mövzusunda təşkil olunmuş tədbirimizdə hər birinizi  salamlayır və işlərinizdə  müvəffəqiyyətlər arzulayıram.
Daha sonra Azəriqaz İstehsalat Birliyinin  Ağsu Regional Qaz İstismar Sahəsi  Göyçay  Xidmət sahəsi üzrə əməkdaşı filologiya üzrə fəlsəfə doktoru Nərmin Xudaverdiyevaya “Heydər Əliyev İli” ilə əlaqədar  “Əsrin müqaviləsi” tarixi Zəfərimizə gedən yolun başlanğıcıdır” mövzusunda məruzə ilə çıxış edib.
Respublikanın Əməkdar  müəllimi, tarix üzrə fəlsəfə doktoru Pərviz Yəhyalı, İqtisadiyyat üzrə fəlsəfə doktoru, Göyçay Dövlət İdarəetmə və texnologiya  kollecinin müəllimi Nurməmməd Tağıyev,  Gənclərin İnkişaf və Karyera Mərkəzinin Regional  nümayəndəliyinin rəhbəri Coşqun İsmayılov, Milli  Məclisin deputatı Məzahir Əfəndiyev çıxış edərək Ulu öndər Heydər Əliyevin müəllifi olduğu, Prezident İlham Əliyevin uğurla həyata keçirdiyi neft strategiyası qarşıdakı illərdə Azərbaycana daha böyük uğurlar bəxş edəcəyinə əmin olduqlarını vurğulayıblar.

Göyçayda “15 sentyabr – Bilik günü” qeyd edildi

15 sentyabr 2023-cü il tarixdə rayonunun ümumtəhsil müəssisələrində yeni dərs ilinin başlanması və “15 sentyabr – Bilik günü” münasibətilə tədbirlər keçirildi.
Tədbirlərdə Rayon İcra Hakimiyyəti başçısının müavini, rayonun təhsil işçiləri, məktəb rəhbərləri, müəllimlər, şagirdlər, valideynlər və ictimaiyyətin nümayəndələri iştirak ediblər.
Göyçay şəhər 3 nömrəli,  Heydər Əliyev Fondu tərəfindən əsaslı təmir olunaraq yeni istifadəyə verilmiş şəhər 6 nömrəli tam orta məktəblərdə və  İnteqrasiya təlimli internat tipli gimnaziyada keçirilən tədbirlərə qatılan Rayon İcra Hakimiyyəti başçısının müavini Zivər Zeynalova yeni dərs ilinin başlanması və “Bilik günü” münasibətilə pedaqoji kollektivi, bütün təhsil işçilərini, müəllimləri, şagirdləri və valideynləri təbrik edərək uğurlar arzulayıb.
Z.Zeynalova qeyd edib ki, Ümummilli lider Heydər Əliyevin əsasını qoyduğu milli təhsil strategiyasının bu gün ölkə Prezidenti cənab İlham Əliyev tərəfindən uğurla davam etdirilməsinin nəticəsində bu sahəsində müxtəlif innovativ layihələr həyata keçirilir, müasir standartlara cavab verən tədris ocaqları inşa olunur və maddi-texniki bazaları daha da möhkəmləndirilir.
Yeni dərs ilinin başlanması ilə bağlı çıxış edən təhsil işçiləri təhsildə qazanılan uğurlardan danışaraq, qarşıda duran vəzifələri diqqətə çatdırıblar.