Orbita MTK | Sizin də eviniz olsun! - ÖZƏL

"ORBİTA” MTK-nın rəhbəri Famil Bağıyev - Qalib Liderin qətiyyətli mövqeyi. Azərbaycan Respublikasının Prezidenti İlham Əliyevin ölkənin bölgələrinə etdiyi müntəzəm səfərlər regionların sosial-iqtisadi inkişafı dövlət proqramlarının icrasının effektivliyinin təmin olunması baxımından müstəsna əhəmiyyət kəsb edir. Baş tutan açılışlar və təməlqoyma mərasimləri görülmüş işlərin həcminin göstəricisidir. Prezidentin regionlara etdiyi səfərləri iqtisadi əhəmiyyətinə paralel olaraq həm də böyük siyasi önəm kəsb edir. Ümumiyyətlə, regionların sosial-iqtisadi inkişafını xüsusi diqqət mərkəzində saxlayan dövlət başçımızın bölgələrə müntəzəm xarakter alan səfərləri zamanı görülən işlərin icra vəziyyəti ilə şəxsən maraqlanır və ölkə ictimaiyyətini məlumatlandırır.



Dövlət başçısı İlham Əliyevin avqustun 12-də İsmayıllı rayonunun Basqal qəsəbəsində Azərbaycan Televiziyasına verdiyi müsahibəsində ölkəmizin gələcək iqtisadi inkişafı ilə bağlı səsləndirdiyi fikirlər, müəyyənləşdirilən hədəflər, eyni zamanda, Ermənistana ünvanladığı ciddi mesajlar və xəbərdarlıqlar bu gün də geniş müzakirə olunur. Dövlət başçısınin müsahibəsində Ermənistana ünvanladıgı xəbərdarlıqlar Azərbaycan dövlətinin gücünün, qüdrətinin, ölkə Prezidentinin qətiyyətli mövqeyinin göstəricisidir. Prezident postmünaqişə dövrünün reallıqlarına diqqəti yönəldərək iki il ərzində nə qədər dəyişikliklərin baş verdiyini bildirdi. Qeyd etdi ki, Azərbaycan 10 noyabr 2020-ci il tarixli üçtərəfli Bəyanatdan irəli gələn bütün öhdəlikləri lazımi səviyyədə yerinə yetirir. Ölkəmizin atdığı addımlar, həmçinin Ermənistana təklif etdiyi sülh modeli beynəlxalq səviyyədə dəstəklənir. Baxmayaraq ki, Ermənistan Azərbaycanın irəli sürdüyü 5 prinsipi qəbul edir, amma hələ də sülh danışıqlarına başlanması istiqamətində heç bir addım atmayıb. Ermənistan açıq-aşkar Azərbaycana qarşı ərazi iddialarından əl çəkmədiyini, vaxt qazanmaq üçün müxtəlif vasitələrə əl atdığını təsdiqləyir. Aydındır ki, bu cür davranış hərbi və hüquqi məsuliyyətə səbəb olacaq. Ya Ermənistan nəticə çıxaracaq, ya da öz məntiqsiz hərəkətlərinin qarşılığını görəcək. Dövlət başçısı İlham Əliyev hədəflərə yüksək səviyyədə nail olmaq üçün işğaldan azad edilmiş ərazilərimizin malik olduqları potensialı da xüsusi qeyd edib. Prezident bildirib ki, Qarabağda və Şərqi Zəngəzurda genişmiqyaslı yenidənqurma işləri aparılır. Hazırda Azərbaycanda keçmiş məcburi köçkünlərin öz doğma yurdlarına qayıtması üçün infrastruktur layihələri həyata keçirilir və yaşamaq üçün hər cür şərait yaradılır. Ərazilərimizin hər biri özünəməxsus iqtisadi imkanlara malikdir. Kənd təsərrüfatının inkişafına böyük diqqət yetirilir. Qarabağ və Şərqi Zəngəzurdakı iqtisadi layihələrin qlobal dünya iqtisadiyyatına inteqrasiyası üçün bütün lazımi şərait yaradılır. Azərbaycanı Ermənistan ərazisindən keçməklə Naxçıvan Muxtar Respublikası ilə birləşdirəcək Zəngəzur dəhlizinin işə salınması mühüm əhəmiyyət kəsb edir və onun işə salınması an məsələsidir. Hazırda işğaldan azad edilmiş torpaqlarda əkin işləri aparılıb. Bu əminlik ifadə edilir ki, gələcəkdə Qarabağda və Şərqi Zəngəzurda yetişdiriləcək məhsullar, o cümlədən ərzaq təhlükəsizliyimizin tam təmin edilməsində böyük kömək göstərəcək. Kəlbəcər, Laçın, Zəngilan rayonlarında heyvandarlığın çox böyük perspektivləri var. Füzuli, Ağdam, Cəbrayıl, Qubadlı rayonlarında taxılçılığın, o cümlədən üzümçülüyün, meyvəçiliyin, fındıqçılığın inkişaf etdirilməsi əsas hədəflərdəndir. Müzəffər Ali Baş Komandanın müsahibə zamanı toxunduğu önəmli məsələlərdən biri də Qarabağda yaşayan ermənilərə qarşı Azərbaycan dövlətinin münasibəti idi. Prezident bir daha bəyən etdi ki, Azərbaycan öz üzərinə götürdüyü bütün öhdəliklərinə sadiqdir, Qarabağda yaşayan ermənilərdə bizim vətəndaşlarımızdır. Nə qədər onlar bunu tez dərk etsələr, o qədər hamımız üçün yaxşı olar. Ermənistan hakimiyyəti artıq Qarabağda yaşayan ermənilərə öz təsir imkanlarını itirir. Dövlət başçısı İlham Əliyevin bəyan etdi ki, bu gün Ermənistanla Azərbaycan arasında gedən normallaşma prosesində Qarabağ mövzusu yoxdur.  Danışıqlar masasında hər hansı bir statusdan söhbət belə getmir: “Əgər Qarabağda kimsə yenə də, bilmirəm hansısa populizm naminə, yaxud da ki, indi, necə deyərlər, kimdənsə qorxduğu üçün hansısa statusdan, müstəqillikdən söhbət aparırsa, bilmək lazımdır ki, o, erməni xalqının birinci düşmənidir. Çünki Qarabağda yaşayan ermənilərin nə statusu olacaq, nə müstəqilliyi olacaq, nə də ki, hansısa xüsusi imtiyazı olacaq. Azərbaycan vətəndaşları necə, onlar da elə. Azərbaycan vətəndaşlarının hüquqları necə qorunursa, onların da elə. Azərbaycanda yaşayan xalqların hüquqları necə qorunursa, onların da elə. Ancaq budur yol. Qarabağda yaşayan ermənilər düzgün addım atmalıdırlar. Başa düşməlidirlər ki, onların gələcəyi ancaq Azərbaycan cəmiyyətinə inteqrasiyadan keçir. Başqa cür mümkün deyil”.

Prezident İlham Əliyevin ünvanladığı xəbərdarlıqlardan Ermənistan rəhbərliyi nəticə çıxarmalı, sülh müqaviləsinin imzalanması istiqamətində addımlar atmalıdır.







Hər bir şəxs özünün keçdiyi həyat yoluna nəzər salanda, unudulmaz və xoş xatirələrə dönmüş anlarını, günlərini xəyalından keçirəndə istər-istəməz kimlərlə ünsiyyət saxladığı, kimlərlə yoldaşlıq və dostluq etdiyi insanlar göz önünə gəlir. Elə insanlar var ki, onların həyatı, fəaliyyəti elinə, xalqına, vətəninə xidmətə həsr olunur. Müdriklər demişkən, “xalq üçün, vətən üçün yaşanan ömür əsl insan ömrüdür”. Belə insanların ömrü çətin, mənalı və şərəfli olur, başı həmişə el içində uca olur. Onlar öz xoşbəxtliyini, səadətini, varlığını vətənə, xalqa ləyaqətlə xidmətdə görür. Belə insanlar öz xalqının, millətinin mənəvi siması, genefondudur desək səhv etmərik. Tam məsuliyyət və qürurla deyə bilərik ki, belə insanlardan biri də sözün həqiqi mənasında, gözəl insan, "Orbita MTK"-nın rəhbəri Famil Bağırovdur.

"Orbita MTK" sakinlərin təhlükəsizliyi mühafizə xidməti və videomüşahidə sistemi vasitəsilə təmin ediləcək.
Yaşayış Kompleksinin birinci mərtəbəsi sosial və kommersiya yönlü obyektlərin yerləşdirilməsi üçün satışa təklif olunur. “Avtomobilsiz həyət” konsepsiyası sayəsində kompleksin həyətyanı sahəsi sakinlərin tam sərəncamına veriləcək. Burada uşaqlar üçün oyun, yaşlılar üçün istirahət yerləri yaradılacaq. Avtomobillər xüsusi mühafizə olunan giriş vasitəsilə yeraltı dayanacağa daxil olacaq.

Özünə məxsus üslubda inşa edilən bu yaşayış kompleksinin görkəmi onu qəsəbənin bütün digər binalarından fərqləndirəcək.
Yaşayış Kompleksinin tikintisində müasir texnologiyalardan və yüksək keyfiyyətli tikinti materiallarından istifadə olunur. Betonun keyfiyyəti xüsusi laboratoriyalarda yoxlanılır. Qurulan drenaj sistemi və həyata keçirilən hidroizolyasiya işləri, təməldə olan istinad divarlarının nəmə və qrunt sularına qarşı ikiqat müdafiəni təmin edəcək. Bina yüksək seysmik davamlığa malik olacaq.

Tikinti işlərinə artıq başlanılıb. Mənzillər satışa tam dizayner təmirli təklif olunurlar. Təmirsiz mənzil almaq istəyən alıcılar mənzillərində təmir işlərini bina təhfil verilən tarixə kimi başa çatırmalıdırlar. Buda öz növbəsində bina təhfil verildikdən sonar bu kimi işlərlə bağlı səs-küyün və digər narahatçılıqların aradan qaldırılmasına zəmin yaradacaq. Binanın fasad görkəmini həmçinin blokların görkəmini, layihəsini dəyişə biləcək işlərə icazə verilməyəcək! Mənzillərdə təmir zamanı, binanın konstruksiyasına xələl gətirə biləcək işlərin aparılmasına icazə verilməyəcək!

"Orbita MTK" Yaşayış Kompleksində təklif olunan mənzillərin sahələri, qiymətləri və təmir üslubu, burada mənzilləri alanların yüksək statuslu insanlar olacaqlarını deməyə əsas verir..